Во текот на учебната 2017/18 поточно од  септември 2017 до  мај 2018 година учениците од V одделение заедно со професорката по англиски јазик учествуваа во e-twinning проект насловен „Учење преку игра“.  Во проектот беа вклучени партнер основни училишта од Полска, Турција и Шпанија.

Главна цел на проектот „Учење преку игра“ е подобрување и зајакнување на јазични вештини кај учениците преку игра и користење на ИКТ алатки. Значаен сегмент е заедничка соработката меѓу сите инволвирани во проектот особено можноста учениците да  учат  едни од други, како и стимулирање на мотивација за изучување на англискиот јазик.  Сите предвидени активности целат кон подобрување на процесот на изучување на англискиот јазик. Секој месец беше предвидена и остварена по една активност по следниов редослед:

• септември: изработка и избор на лого за проектот
• октомври: претставување на учениците
• ноември: играње на домино игри
• декември: изработка на новогодишни честитки
• јануари: игра топло ладно
• февруари: пеење на песни од англиски јазик и online игри
• март: игри за поврзување
• април: изработка на цртежи според слушнати приказни
• мај: правење сликовни речници или постери на англиски јазик

 Очекувани исходи од учество во проектот се зголемена мотивација и креативност кај учениците, подобрени јазични вештини и развиена свест за културни разлики. За остварување на целите и исходи кои произлегуваат од  проектот се користеа следниве ИКТ алатки Avatar, Movie Maker, едукативни web страни, Dvolver, Comic Strips и др.

Плодната соработката, размена на искуства и  комуникација се одвиваше на твинспејс, која е безбедна колаборативна платформа на која беа споделувани материјали од успешно реализираните активности со партнери основни училишта.