Учениците од март 2018 година учествуваа во etwinning проектот „Размена на честитки за пролет“. Во проектот учествуваа Италија, Полска, Романија, Литванија, Турција, Хрватска и Македонија.  Комуникација и соработка за време на etwinning проектот се одвиваше на twinspace. 

Учениците правеа и украсуваа честитки за пролет и напишаа песна за пролет на англиски јазик. Изработените честитки потоа учениците ги испратија на своите партнер училишта. За времетраење на проектот учениците исто така преку цртежи и фотографии ја претставија пролетта во нашата земја на своите другарчиња од останатите земји учеснички во проектот. Во завршната фаза на проектот учениците украсија пано за пролет со добиените честитки од училиштата со кои соработувавме на проектот. Долу можете да го погледнете слика од паното кое ја краси училницата со пролетни честитки. 

Главна цел на проектот беше да се унапредат јазични вештини преку творење и пишување на песна за пролетта и да се потикнат креативност, имагинација и оригиналност при изработка на честитките.