Обична Power Point презентација може да се претвори во визуелно повпечатлива со магијата која ја нуди Prezi. Prezi овозможува креирање на дигитални презентации нудејќи визуелни ефекти кои го привлекуваат и задржуваат вниманието на учениците. Полезна опција на Prezi е зумирањето која наставниците може да ја искористат доколку сакаат да потенцираат или истакнат некој фрагмент од наставната содржина.  Наместо класично прелистување на слајдови Prezi дава избор на патекa на движење која ги поврзува искористените слики, видеа, текст и анимации за полесно визуелно разбирање на главните концепти. 

На едноставен начин веќе изработените презентации може да добијат нова димензија со Prezi. Учениците може лесно да ги прегледуваат и да се навраќаат на презентациите доколку имаат интернет конекција преку споделениот линк, или може и да ги превземат. 

Еве пример на интерактивна Prezi којa ја изработив и користев за увежбување на искажување на датум. Првиот дел се состои од потсетување на редни броеви и месеци преку слики и Youtube видеа. презентацијата продолжува со задача, имено учениците треба датумот претставен со бројки да го запишат со зборови, а потоа можат да си го проверат точниот одговор преку самооценување или меѓусебно оценување. 

За да ја вклучите кликнете на копчето Start Prezi во средина а потоа движете се на стрелките.