Општинскиот натпревар по англиски јазик  се одржа на 18.III 2017 во ООУ „Христијан Карпош“ во Куманово. Натпреварот беше на ниво на општина и секое училиште можеше да испрати најмногу по 2 претставника кои ќе се натпреваруваат. Од нашето училиште учество зедоа Андреј Денковски и Андреј Михајловски од подрачно училиште Д.Којнаре. Тие беа изберени бидејќи покажаа највисоки резултати на училишниот натпревар за V одделение.

Тестот се состоеше од 1 дел: Use of English  Користење на англиски за кој учениците имаа време од 50 минути да го решат. Учениците имаа можност да се натпреваруваат и да си ги проверат своите знаења по англиски јазик со најдобрите од општината. На општинскиот натпревар и двајцата ученици покажаа солидни резултати. Горди сме на нивниот успех! 

Ученикот Андреј Денковски освои III (трето) место и со тоа обезбеди учество на регионалниот натпревар по англиски јазик.  Ученикот доби сертификат за освоено III место. Честитки за постигнатиот резултат  и му посакуваме успех на регионалниот натпревар.    

Натпреварот е организиран од страна на ELTAM (Aсоцијација на наставници по англиски јазик на Р. Македонија) која е акредитирана од МОН за спроведување на натпревари по англиски јазик со решение бр. 11-3309/2 од 31.03.2014 година.