Овој етвининг проект беше инспириран од Ноќта на вештерките, кој се слави на 31^ви октомври. Проектот е краткорочен проект од еден месец. Главната цел на проектот за Ноќта на вештерките е да ги запознае учениците со Ноќта на вештерките и начинот на кој луѓето од другите земји го слават. Проектот ги обедини учениците од 5 различни држави: Северна Македонија, Полска, Романија, Словачка и Шпанија и им овозможи да ги споделат и истражат традициите, симболите  и значењето на Ноќта на вештерките.

Проектот се состоеше од 3 активности: запознавање со празникот  Ноќта на вештерките, истражување на симболот на тиква и едукативни игри за Ноќта на вештерките. Во првиот дел учениците се запознаа со празникот Ноќта на вештерките, во кои земји се слави  и какви костими и маски се носат. Тие го збогатија својот речник и културно знаење за Ноќта на вештерките. Во вториот дел учениците истражуваа за тиква и правеа фенери од тикви и направија разни рачни изработки  и декорации за Ноќта на вештерките. Во последниот дел учениците  играа игри, квизови и сложувалки за Ноќта на вештерките и носеа маски и костими специфични за Ноќта на вештерките. Под објавата обидете се да ја составите сложувалката за еден од најзначајните симболи - тиквата најбргу што можете.